Zyrtare: Shqipëria i fitoi tri pikë në Lozanë

Shqipëria ka fituar betejën ligjore me UEFA-n në Gjykatën e Arbitrazhit Sportiv në Lozanë

Edhe zyrtarisht Shqipëria ka marrë 3 pikët për ndeshjen e ndërprerë me Srebinë më 14 tetor në Beograd.

10:40: Serbi-Shqipëri, sot merret vendimi në Lozanë

Gjykata e Arbitrazhit Sportiv në Lozanë do të marrë vendimin sot ndaj ankesave të palës shqiptare dhe asaj serbe në lidhje me sanksionet ndaj lojës së ndërprerë mes dy vendeve  në Beograd, shkaku i dhunës në stadium.

Më konkretisht, ankesa në fjalë ishte paraqitur pas vendimit të Komisionit Disiplinor të UEFAS-s. Federata e Futbollit e Shqipërisë dhe ajo e Serbisë kanë adresuar ankesat e tyre në Gjykatën e Arbitrazhit Sportiv me seli në Lozanë (CAS) kundër vendimit të UEFA-s, i cili pati konfirmuar fitoren e Serbisë, duke privuar Shqipërinë me mundësi të marrjes së tri 3 pikëve pas incidenteve gjatë ndeshjes së tyre për kualifikim në Euro 2016.

Në ankesat e tyre në CAS, Federatat e Shqipërisë dhe e Serbisë kanë kërkuar anulimin e vendimeve të UEFA-s, e cila  gjithashtu i ka gjobitur me 100.000 € të dy federatat.

Siç pati bërë të ditur kjo gjykatë në komunikatën e saj: “Në ankesën e bërë në CAS Federata e Futbollit e Shqipërisë dhe ajo e Serbisë kërkojnë anulimin e vendimeve të UEFA-s ose t’ iu zbuten dënimet e imponuara. Të dy procedurat janë hapur dhe do të kryhen në përputhje me kodin për arbitrazh sportiv”.

Për kujtesë, në fillim të dhjetorit 2014 trupi disiplinor i UEFA-s pati mbështetur vendimin e gjyqit që i dha fitoren 3-0 Serbisë pas vendimit përfundimtar të ndeshjes në minutën e 41, duke i privuar njëkohësisht me tri pikë për suksesin dhe i detyruar që të kenë dy ndeshje prapa dyerve të mbyllura.

Ndeshja kualifikuese për Euro 2016 që u zhvillua më 14 tetor në Beograd u ndërpre disa minuta para pushimit, kur rezultati ishte 0-0. Të dy vendet fajësojnë njëra-tjetrën për pushtim të terrenit si dhe për rrahje në mes të lojtarëve dhe mbështetësve.