Zyrtari amerikan i Mbrojtjes në Kosovë, gjatë ditës pritet në takim nga Osmani

EPA/TOMS KALNINS

Presidentja Vjosa Osmani sot do të pres në takim Zëvendësndihmës Sekretarin e Mbrojtjes të Shteteve të Bashkuara të Amerikës, David A. Baker, përcjell albinfo.ch.

Sipas njoftimit të lëshuar për media, takimi do të zhvillohet nga ora 15:00 në Kabinetin e Presidencës.

Po ashtu u bë e ditur se mediat mund të marrin pamje në fillim të takimit.

Ndërsa, nga ora 16:00 zëvendës ndihmës Sekretarin e Mbrojtjes të Shteteve të Bashkuara të Amerikës, David A. Baker do të pritet nga ministri në detyrë i Mbrojtjes, Ejup Maqedonci.

Ndryshe, Baker arriti të premten në Kosovë, në vizitën e parë të tij në vendin tonë, dhe u prit nga e ngarkuara me punë e misionit diplomatik të Amerikës në Kosovë, Anu Prattipati.