Zyrtarizohet marrëveshja: Të dënuarit nga Gjykata Speciale, do ta vuajnë dënimin në Belgjikë

The capitals of the EU : The Hague

Dhomat e Specializuara të Kosovës në Hagë kanë bërë të ditur se kanë arritur një marrëveshje me Belgjikën, në bazë të së cilës, të dënuarit nga kjo gjykatë do të mund ta vuajnë dënimin me burgim në këtë vend.

“Me nënshkrimin e kësaj marrëveshjeje, Mbretëria e Belgjikës riafirmon përkushtimin e fuqishëm të saj ndaj drejtësisë penale ndërkombëtare dhe aftësinë e Dhomave të Specializuara për të kryer mandatin e vet”, tha kryetarja e Dhomave të Specializuara, Ekaterina Trendafilova, thuhet në njoftimin për media, transmeton albinfo.ch.

Sipas njoftimit, ajo u ka bërë thirrje edhe shteteve të tjera që të nënshkruajnë marrëveshje me Dhomat e Specializuara, në mënyrë që, sipas saj, “të fuqizohet korniza e gjykatës për zbatimin e dënimeve”.