12 mijë pasagjerë, deri në 40 fluturime në ditë në Rinas

Mediat shqiptare bëjnë me dije se në aeroportin e Rinasit festa e fundvitit kanë sjellë shtimin e fluturimeve dhe të fluksit të udhëtarëve, përcjell albinfo.ch.

Referuar statisitkave, ka një rritje me 40% të numrit të udhëtarëve krahasuar me ditët e zakonshme të dhjetorit. Kjo si efekt i festave, por edhe uljes së çmimit të biletave pas ndryshimit të menaxhimit të aeroportit.

Rreth 12 mijë pasagjerë qarkullojnë këto ditë festash në aeroportin ndërkombëtar të Rinasit, në më shumë se 40 fluturime me linja direkte në ditë.

Me ndryshimin e menaxhimit, aeroporti ka rritur edhe numrin e destinacioneve për vitin 2021 në krahasim me 2019-ën, gjë e cila u jep qytetarëve mundësi zgjedhjesh drejt vendeve të ndryshme evropiane, ndërsa marrëveshje të reja janë nënshkruar për fluturime direkte edhe me vendet arabe.