194 raste të reja me COVID-19, 4 të vdekur në 24 orët e fundit në Kosovë

Foto nga Zyra e Kryeministrit Kurti në Facebook

Instituti Kombëtar i Shëndetësisë Publike të Kosovës ka publikuar raportin 24-orësh për COVID-19.

Sipas këtij raporti, në Kosovë janë marrë gjithsej 449 mostra, prej tyre janë 194 raste të reja me COVID-19.

Naser Ramadani, nga IKSHPK-ja, ka bërë të ditur po ashtu se numri i rasteve të vdekjeve ka shkuar në 196.

Po ashtu Ramadani ka bërë të ditur se tashmë janë shëruar plotësisht gjithsej 138 persona nga COVID-19.

138 TË SHËRUAR DHE 194 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 449 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 194 raste pozitive.

Numri total i rasteve pozitive është 7.846 raste nga 35.570 persona të dyshimtë në virusin SARS-CoV-2, me gjithsej 196 raste të vdekjes të cilët kanë pasur sëmundje të tjera shoqëruese.

Gjatë 24 orëve të fundit, janë shëruar 138 pacientë derisa numri i përgjithshëm i të shëruarve deri më sot është gjithsej 4.267 raste, kurse numri i rasteve aktive është 3.383.

Rastet pozitive janë nga: komuna Prishtinë 81 raste, komuna Podujevë 17 raste, Prizren 14 raste, komuna Fushë Kosovë 13 raste, komuna, Gjakovë 12 raste, komuna Vushtrri 8 raste,
komuna Drenas 7 raste, komuna Mitrovicë 7 raste, komuna Malishevë 5 raste, komuna Obiliq 5 raste, komuna Lipjan 5 raste, komuna Dragash 4 raste, komuna Skenderaj 4 raste,
komuna Ferizaj 3 raste, komuna Gjilan 2 raste, komuna Suharekë 2 raste dhe me nga 1 rast komunat: Istog, Klinë, Pejë, Rahovec dhe Zubin Potok, thuhet në njoftim.