Futboll

2 gola dhe 1 asistim i Ademit për Baselin

Sulmuesi shqiptar në formë mjaft të mirë në Superligën Zvicerane

E diel, 26 Korrik 2020 - 17:58 albinfo.ch
(KEYSTONE/Georgios Kefalas)

Kemal Ademi është në formë shumë të mirë në Superligën zvicerane.

Në ndeshjen ndaj Luganos, sulmuesi i Baselit ka shënuar dhe ka asistuar, shkruan albinfo.ch.

Ademi barazoi shifrat (1:1) në minutën e shtatë, derisa tre minuta më vonë asistoi për Frei për 2:1.

Në pjesën e dytë, gjegjësisht në minutën e 67-të, sulmuesi shqiptar shënoi sërish për 3:3.

Ademi ka 13 gola dhe katër asistime në Superligën zvicerane në këtë edicion.

Mesfushori i Kombëtares shqiptare, Taulant Xhaka ishte nga fillimi për Baselin, kurse Elis Isufi e nisi ndeshjen nga fillimi, por u zëvendësua pas pjesës së parë. Futbollisti tjetër shqiptar, Tician Tushi hyri në lojë në minutën e 82-të për Baselin.

Në fund ndeshja ka përfunduar 4:4. Baseli ndodhet në vendin e tretë me 60 pikë pas 34 javësh, kurse Lugano në vendin e shtatë me 41. Lider është Young Boys me 70 pikë.

 Të ngjashme

Vepra dhe mesazhi i Sylë Mujajt: Një testament i shpirtit artistik

 Të tjera nga Futboll

Federata zvicerane tërheq mbështetjen për Infantinon për president të FIFA-s

 E-Diaspora

 Jeta në Gjermani