2 të vdekur nga aksidenti në Ferizaj

Dy persona raportohet se kanë vdekur në aksidentin që ndodhi sot rreth orës 04:10 të mëngjesit, në rrugën “Rexhep Bislimi” në Ferizaj, njofton Policia e Kosovës.

Sipas raporteve të para, rasti ka ndodhur kur ngasësi i veturës Opel Tigra me targa vendore ( E.M m/sh/k 27 vjeçar), duke mos e përshtatur shpejtësinë e lëvizjes kushteve të rrugës, humb kontrollin mbi automjetin, del nga rruga dhe godet një shtyllë, me ç’rast vozitësi dhe pasagjeri, sipas mjekëve, kishin pësuar lëndime të rënda trupore, ku e si pasojë, ngasësi i automjetit ka ndërruar jetë në emergjencën e Ferizajt, kurse pasagjeri është dërguar në QKUK ku edhe më pas ka ndërruar jetë, përcjell albinfo.ch.

Trupat e pajetë të viktimave, me urdhër të Prokurorit dërgohen në Institutin e mjekësisë ligjore për obduksion.

Me rast janë duke u marr hetuesit e Njësitit të trafikut rrugor në bashkëpunim me Prokurorin e Shtetit.