300 abuzues të pensioneve të invaliditetit

Përmes zbulimit dhe denoncimit të këtyre abuzuesve të pensioneve në një afat më të gjatë mund të kursehen deri në 80 milionë franga

Zyra Federale për sigurime sociale ka zbuluar gjatë vitit të kaluar 300 mashtrues të fondit pensional të invaliditetit. Zyra në fjalë u ka dëshmuar të gjithë këtyre pensionistëve se ata nuk kanë të drejtë për të marrë pensionin ose e kanë vetëm pjesërisht këtë të drejtë.

Sipas një komunikate të zyrës, përmes zbulimit dhe denoncimit të këtyre abuzuesve të pensioneve në një afat më të gjatë mund të kursehen deri në 80 milionë franga, shkruan 20 minuten.

Aktualisht autoritetet po hetojnë mbi 2200 raste të mashtrimit të fondeve të pensioneve të invaliditetit. Në raste të caktuara hetimet po kryhen në fshehtësi.

Në vitin 2009 Zyra federale e Sigurimeve sociale ka përpunuar më pak raste të keqpërdorimit dhe po ashtu ka zbuluar më pak raste të tilla.