34 persona ndalohen për 48-orë, dyshohen për manipulim votash në Mitrovicë

Foto FB: Komisioni Qendror i Zgjedhjeve

Prokuroria Themelore në Mitrovicë ka njoftuar se janë intervistuar shumica prej 43 kryesuesve të Qendrave Komunale të Numërimit në pesë komuna të rajonit të Mitrovicës, të dyshuar për manipulim votash në zgjedhjet e 28 dhjetorit.

Lajmin e ka konfirmuar për media në Kosovë zëdhënësi i Prokurorisë Themelore në Mitrovicë, Valon Preteni, i cili tha se 34 prej tyre janë ndaluar për 48-orë.

Ndryshe, Prokuroria Themelore në Mitrovicë kishte njoftuar se ka urdhëruar hetuesit që të intervistojnë 43 kryesues të Qendrave Komunale të Numërimit në Mitrovicë Jug, Mitrovicë Veri, Leposaviq, Zubin Potok dhe Zveçan, transmeton albinfo.ch.