40 milionë euro për zhvillimin e turizmit në Shqipëri

Bashkimi Evropian dhe Banka Evropiane për Rindërtim dhe Zhvillim kanë ndarë 40 milionë euro për zhvillimin e turizmit për Shqipërinë.

Ky program do të ndihmojë në promovimin e burimeve natyrore, trashëgimisë sociale dhe kulturore, transmeton albinfo.ch.

Programi po ashtu synon të rrisë kontributin e turizmit cilësor dhe të qëndrueshëm në rritjen ekonomike dhe konkurrencën e rajoneve shqiptare, duke rritur cilësinë dhe qëndrueshmërinë e ofertës turistike në katër zona si Berat, Korçë, Fier dhe Shkodër.

“Jam krenar që BE-ja po investon 40 milionë Euro, në bashkëpunim të shkëlqyer me BERZH-in, për të nxitur rigjenerimin dhe zhvillimin ekonomik në Shqipëri. Zhvillimi turistik është sigurisht një mjet për të rritur përvojën e vizitorëve dhe cilësinë e jetës së komuniteteve pritëse”,  ka thënë ambasadori i BE-së në Tiranë.