5820 shtretër ushtarakë për azilkërkuesit

Për strehimin e azilkërkuesve mund të merren në konsideratë hapësirat ushtarake në 14 kantone të ndryshme

Departamenti i mbrojtjes (VBS) ka prezantuar një listë të vendeve të mundshme për strehimin e azilkërkuesve. Siç është bërë e ditur mbrëmë në magazinën e lajmeve 10vor10, bëhet fjalë për 32 vende, respektivisht afër 5820 shtretër.

Sipas VBS, për strehimin e azilkërkuesve mund të merren në konsideratë hapësiratushtarake në 14 kantone të ndryshme. Më së shumti shtretër të lirë janë në dispozicion në kantonin e Lucernit ndërsa një numër i madh i tyre gjendet edhe në regjionet alpine .

Më tutje VBS bën të qartë se kazermat nuk janë të përshtatshme për strehimin e azilkërkuesve. Më të mundshme janë kampet ushtarake ose stabilimentet nëntokësore. Por një problem që paraqitet në këtë mes është detyrimi që pas një gjysmë viti duhet kërkuar leja nga komuna ose nga kantoni për ndryshimin e destinacionit të tyre.