66 punonjës të mediave janë vrarë gjatë vitit 2022

Numri i vdekjeve është rritur për pothuaj një të tretën krahasuar me vitin 2021

Në vitin aktual, 66 punonjës të medias kanë vdekur në mbarë botën për shkak të punës së tyre. Numri i vdekjeve është rritur për pothuaj një të tretën krahasuar me vitin 2021, transmeton albinfo.ch. Lajmi bëhet i ditur nga Instituti Ndërkombëtar i Shtypit.

Një nga arsyet e numrit të madh të punonjësve të medias të vrarë në mbarë botën janë vdekjet e shumta të përfaqësuesve të mediave në Meksikë, shkruan srf.ch, duke iu rerferuar mediave ndërkombëtare. Dhuna është rritur ndjeshëm në këtë vend të Amerikës Qendrore.

Në Meksikë janë vrarë 14 gazetarë. Meksika mbetet vendi më i rrezikshëm për gazetarët”, raporton instituti.

Gjithsej tetë ishin gra në mesin e 66 të vdekurve. Të paktën 39 përfaqësues të shtypit janë vrarë në një mënyrë të shënjestruar, për shembull, sepse kishin raportuar për korrupsion ose krim të organizuar në vendet e tyre. Të tjerët kanë humbur jetën duke bërë punën e tyre.

Nga ana tjetër, në luftën ruse të agresionit në Ukrainë tetë punonjës të medias vdiqën ndërsa po raportonin për luftën,  thekson më tej Instituti Ndërkombëtar i Shtypit.

---