67% të zviceranëve votuan për ashpërsimin e ligjit për armëmbajtje

Po ashtu në shkallën 66% është përgjigja e zviceranëve ndaj “Staf”, ose ligjit federal për reformim në sferën e takasave dhe të financimit të AHV.

Edhe pse ende nuk janë numëruar të gjitha votat, që nga mesdita është e qartë se të dy dy çështjet e hedhura në referendum nacional janë votuar me shumicë të madhe nga zviceranët. Siç e tregon rezultati paraprak i publikuar nga instituti për hulumtimin e opinionit publik gfs.bern, 67 për qind të pjesëmarrësve në referendum kanë votuar në favor të rishikimit të ligjit mbi armëmbajtjen, shkruan srf.ch. Kërkesa e hedhur në votim ka qenë përshtatja e ligjit në fjalë me legjislacionin që rregullon këtë çështje në BE.

Po ashtu në shkallën 66% është përgjigja e zviceranëve ndaj “Staf”, ose ligjit federal për reformim në sferën e takasave dhe të financimit të AHV.

Të gjitha kantonet deri në këtë moment i kanë thënë Po të dy propozimeve të hedhura në votim, transmeton albinfo.ch. Por deri tash Staf është votuar më së shumti në Kantonin Valis me 72% ndërsa propozimi për ligjin mbi armëmbajtjen, në Luzern ka arritur në 66%. Më së paku është votuar në Solothurn 59% dhe në Schwyz, 52%.

Pas bërjes të ditur të rezultatave preliminare, politika ka reaguar, në varësi nga preferencat partiake. Kështu, deputeti socialdemokrat në Dhomën e Kantoneve, Daniel Jositch është shprehur i lehtësuar: “Në ditën e sotme është bërë një hap i rëndësishëm për më shumë siguri në Zvicër dhe për stabilizimin e marrëdhënieve me BE-në”. Është kështu pasi që në rast votimi kundër, do të vihej në pikëpyetje pjeëmarrja e mëtejme e Zvicrës në Marrëveshjen  Shengenit.

Ndërsa deputeti nacional i SVP-së nga St. Galleni, Lucas Reimann ka thënë se e respekton vendimin e popullit votues por e “nervozon fakti se Zvicra, ligj pas ligji po i përshtatet BE-së. Kësaj here ishte ligji për armët, herën tjetër do të jetë ndonjë tjetër… Secili po përpiqet të ruajë hobin e tij  dhe të ndalojë hobin e tjetrit”.

I kënaqur me fitoren e votimit për “Staf”, është shprehur Pirmin Biscof nga CVP, përcjell albinfo.ch. “Kjo jep dritën jeshile në dy fusha problematike tëvendit. Tani kërkohet përgjigja e politikës për ta realizuar një reformë të qëndrueshme dhe të frytshme të AHV.

---