9 policë të Kosovës sëmuren, qëndruan për 11 ditë në Jarinje e Bërnjak

Gjendja e policëve të Kosovës në veri, të cilët po qëndrojnë atje tash e 11 ditë, ka nisur të përkeqësohet. Së fundmi raportohet se 9 prej tyre janë sëmurë, derisa për shkak të rrugëve të barrikaduara, për transportimin e tyre është kujdesur njësiti i misionit paqeruajtës, KFOR.

“KFOR-i është në kontakt të ngushtë me PK-në dhe për t’i përkrahur ata kemi transportuar me tokë 9 policë, të cilët janë ndierë të sëmurë”, ka thënë KFOR-i në një përgjigje për Kanal10, përcjell albinfo.ch.

Për gjendjen e rëndë të policëve atje ka reaguar edhe Sindikata e Policëve dhe partitë opozitare, duke thënë se një gjë e tillë është përgjegjësi e institucioneve, derisa nga partia në pushtet kanë thënë se po flitet se si t’u ndihmohet atyre.