Kosova, në agjendën e FIFA-s

Nëse Kosova pranohet atëherë do të ketë të drejt të marrë pjesë edhe në kualifikimet për Kampionatin Botëror “Rusia 2018”

KEYSTONE

Kosova, gjithnjë e më afër që të pranohet në FIFA. Këshilli i FIFA-së ka kërkuar që në agjendën e Kongresit të 66-të, të futet edhe kërkesa për pranim e Kosovës dhe Gjibraltarit, shkruan albinfo.ch.

Kosova më 3 maj u pranua në UEFA dhe nëse pranohet në FIFA, atëherë do të ketë të drejtën të marrë pjesë për herë të parë në kualifikimet për Kampionatin Botëror “Rusia 2018”, derisa skuadrat kosovare do të kenë të drejt të luajnë në garat evropiane.

Edhe kryetari i Federatës së Futbollit të Kosovës, Fadil Vokrri është shprehur optimist se pranimi në FIFA do të ndodhë dhe nuk do të kenë probleme. Kosova me 28 vota u pranua në UEFA. Kongresi i FIFA-s është më 12-13 maj në Meksikë.