80.8% të personave me status refugjati marrin ndihma sociale

Shifrat i referohen vitit 2015, kur ishte shënuar një rritje e numrit të refugjatëve që merrnin ndihma sociale, sepse në Zvicër jetonin për një të tretën më shumë azilkërkues se një vit më parë

Zyra Federale për Statistikë ka publikuar sot një informacion sipas të cilit 80.8 për qind nga të gjithë refugjatët me status të pranuar refugjati ose me qëndrim të përkohshëm. Por kjo statistikë i referohet vitit 2015 pasi që për vitin 2016 ende nuk është në dispozicion një shënim i tillë.

Atëbotë ishte shënuar një rritje e numrit të refugjatëve që merrnin ndihma sociale, nga arsyeja e thjeshtë se në Zvicër jetonin për një të tretën më shumë azilkërkues se një vit më parë, transmeton albinfo.ch Nga 20130 refugjatët që merrnin ndihma sociale, rreth gjysma ishin më të rinj se 26 vjeçarë.

Megjithatë, trendi i shfrytëzimit të ndihmave sociale nga refugjatët po shkon drejt uljes. Në vitin 2012 ajo arrinte në 86 për qind.

Shikuar sipas vendeve të prejardhjes, më së shumti ndihma sociale përpjesëtimisht kanë marrë refugjatët nga Kolumbia dhe ata nga Rusia, përkatësisht nga 90 për qind e tyre, përcjell albinfo.ch. Por, duke qenë se ka fare pak azilkërkues nga këto vende, edhe numri i atyre që jetojnë nga ndihmat sociale është i vogël.

Ndryshe, më shumë se 50 për qindëshin e të gjithë refugjatëve që marrin ndihma sociale e përbëjnë eritreanët, 15 për qind sirianët dhe 9 për qind kinezët.