Janë shitur më shumë automjete të reja

Në Zvicër dhe në Lihtenshtajn janë shitur gjatë muajit shkurt 22. 809 makina të reja. Bëhet fjalë për 0.7 për qind më shumë se në të njëjtin muaj të vitit të kaluar.

Gjatë dy muajve të parë të 2017-ës regjistrimet e reja kanë figuruar të jenë 1.4 për qind, ose 598 regjistrime më shumë krahasuar me vitin e kaluar, bëri të ditur “Auto-Schweiz”.

Vitin e kaluar janë shitur 317.318 makina të reja. Shitjet kanë vazhduar të rriten viteve të fundit. Më 2010 janë shitur 294.000 makina në Zvicër.

Kërkesa vazhdon të jetë nxitur fuqimisht nga automjete 4×4. Pothuajse çdo e dyta makinë e saporegjistruar në shkurt ka qenë 4×4. Automjetet me motor disel kanë ruajtur pjesën e tregut prej gati 40 për qind, siç shkruan “Auto-Schweiz”, përcjell albinfo.ch.