Kantoni Aargau: Stop mjekëve të huaj!

Këtë hap, demartamenti për shëndetësi dhe punë sociale i Kantonit të Aargaut e arsyeton, veç tjerash edhe me problemin e cilësisë

Në Kantonin Argau në të ardhmen do të ketë një kufizim të mbulimit të shërbimeve të sigurimit të detyruar sëndetësor. Sipas një njoftimi të dhënë nga departamenti për shëndetësi i këtij kantoni, një leje të tillë e merr automatikisht vetëm ai mjek që ka të mbaruar studimet e mjekësisë në Zvicër ose që së paku tri vjet ka qenë i angazhuar si mjek në ndonjë qendër të pranuar kualifikimi në Zvicër, shkruan srf.ch. Ndërkaq, ky kufizim nuk vlen për mjekët e spitaleve por vetëm për ata të ordinancave private.

Këtë hap, demartamenti për shëndetësi dhe punë sociale i Kantonit të Aargaut e arsyeton, veç tjerash edhe me problemin e cilësisë, transmeton albinfo.ch. Në parim, kufizimi i lejeve të punës për mjekët e huaj është i rregulluar në nivel federal. Por kantonet pastaj kanë hapësirë të lirë veprimi sa i përket zbatimit.

Në opinionin zviceran është trajtuar kohëve të fundit problemi i mangësisë në njohjen e gjuhës së vendit të mjekëve që vijnë të punojnë në Zvicër nga jashtë.