81-vjeçarja i fiton 336.4 milionë dollarë në lotari

Amerikania kishte fjetur me tiketën fituese në Bibël, deri të martën kur e kishte pranuar çmimin më të madh amerikan në lotari

Amerikanes nga Newporti i SHBA-ve i ka buzëqeshur fati duke fituar  336.4 milionë dollarë Jackpot në lotarinë “Powerball” në SHBA, që vlerësohet të jetë çmim i tretë më i madh në historinë e  kësaj loje të fatit.

  81-vjeçarja kishte fjetur me tiketën fituese në Bibël, deri të martën kur e kishte pranuar çmimin më të madh amerikan,  ka thënë një përfaqësues i familjes White.

“Unë dëshiroja të them se jam shumë e lumtur dhe shumë krenare. Kjo do ta bëjë familjen time shumë të lumtur. Ne jemi të bekuar me të vërtetë”, tha Louise White, në një konferencë  me gazetarë.

Avokatët e 81-vjeçares  thanë se ajo ishte një lojtare e rregullt në lojërat e fatit dhe se tiketën fituese e kishte blerë  në një supermarket “Stop & Shop”, në Newport.White e kishte kontrolluar më vonë në internet tiketën e saj duke zbuluar se kishte qëlluar të gjitha numrat.

“Ne ende nuk e besonim atë, kështu që me të fikur kompjuterin jemi thyer sërish për të  shikuar  përsëri faqen e internetit dhe numrat ishin ende atje”, tha White.

Tiketa fituese ishte në mesin e tri tiketave të rastit që kushtonin 9 dollarë.

Çmim i parë më i lartë i fituar në historinë e lojërave të fatit  në SHBA ishte ë 390 milionë dollarë që ishte fituar në mars 2007-s.“Powerball” është lojë e fatit në të cilën janë përfshirë 42 shtete në SHBA.