Zviceranët, nënkampionë bote të djathit!

16 djathërat më të mirë të të gjitha kategorive janë kualifikuar për finale. Në mesin e tyre pesë djathëra ishin të Zvicrës

Përpunuesit zviceranë të djathit kanë fituar më së shumti vende të larta në kampionatin Botëror të Djathit, të mbajtur këto ditë në Madison SHBA. Nënkampion botëror për vitin 2012 është shpallur Adrian Mayer nga punëtoria e djathit Grundbach në Wattenwill të Bernës.

Vendin e tretë në plasmanin e përgjithshëm e ka zënë Karl Germann nga djathorja Othmarsegg SG me djathin e tij të specialitetit Appenzeller Switzerland, ka njoftuar të enjten shoqata e specialistëve zviceranë të djathit.

Titullin e kampionit e ka fituar një ekip përpunuesish të djathit nga Holanda, shkruan Aargauer Zeitung.

Vlerësimin e 2503 produkteve në 82 kategori në këtë kampionat e ka bërë një juri specialistësh. 16 djathërat më të mirë të të gjitha kategorive janë kualifikuar për finale. Në mesin e tyre pesë djathëra ishin të Zvicrës.

Në dy kampionatet e kaluara, zviceranët në vlerësimin e përgjithshëm kishin zënë vendin e parë. Ndarja e çmimeve të kampionatit të këtij viti bëhet më 12 prill në Madison.