Shefi i Novartisit ka fituar 15.4 milionë!

Pas tij vjen shefi i koncernit Roche, Severin Schwan i me 12.3 milionë franga dhe shefi i Nestles, Bulcke me 10.3 milionë

Menaxherët e koncerneve të mëdha zvicerane edhe gjatë vitit 2011 kanë fituar paga të larta milionëshe. Përderisa lartësia e pagave ka pësuar pak ndryshime nga një vit më parë, një trend po shkon drejt pjesëmarrjes së tyre me aksione në firmat ku punojnë.

Më së shumti, 15.4 milionë franga gjatë vitit 2011 i ka fituar Joe Jimenez, menaxher i koncernit farmaceutik Novartis. Pas tij vjen shefi i koncernit Roche, kolosit tjetër të farmaceutikës, Severin Schwan i cili ka fituar 12.3 milionë franga. Në vendin e tretë është shefi i Nestle-s Paul Bulcke, me 10. 3 milionë franga.

Paga mesatare për shefat e 24 koncerneve të mëdha gjatë vitit 2011 ka qenë 3.8 milionë franga.

Aktualisht mungojnë të dhënat për koncernet si UBS, CS ose ABB.