Valis: Identifikohen të gjitha viktimat

Ndërkaq, vazhdojnë të jenë në rrezik jete tre nxënës, të cilët janë shtruar në spitalin Universitar të Lozanës

Janë identifikuar të gjitha viktimat e tragjedisë së ndodhur më 13 mars në Siders të kantonit të Valisit, bën të ditur policia e këtij kantoni.

28 trupat e pajetë mendohet të transportohen në Belgjikë këtë të premte. Belgjika për këtë qëllim ka lënë në dispozicion tre aeroplanë të aviacionit ushtarak spanjoll, të cilët kanë aterruar në aeroportin në Sitten, Valis.

Sipas një komunikate të spitalit të Valisit, tetë fëmijë që kishin pësuar lëndime tashmë kanë lëshuar spitalin.

Ndërkaq, vazhdojnë të jenë në rrezik jete tre nxënës, të cilët janë shtruar në spitalin Universitar të Lozanës, njofton drs.ch. Gjendja e të lënduarve që po shërohen në Inselspital të Bernës është stabile.

Dje në Siders është mbajtur një meshë përshpirtëse për të vdekurit. Kryeministri i Belgjikës, Di Rupo ka shpallur të premten ditë zie kombëtare.