Çdo i treti bie në provim të vozitjes

Gjatë vitit 2011, 65 për qind të më shumë se 142 mijë provimeve të vozitjes janë kaluar me sukses

Gjithnjë më të shumtë janë zviceranët që duan të ngasin veturat, por jo të gjithë ia dalin të kalojnë provimin. Sipas një statistike, çdo i treti që hyn në provim të vozitjes, nuk e kalon pjesën praktike.

Kështu, gjatë vitit 2011, 65 për qind të më shumë se 142 mijë provimeve të vozitjes janë kaluar me sukses.

Por, suksesi ndryshon nga kantoni në kanton. Më së miri janë ndarë në këtë kontekst vitin e kaluar kandidatët për leje të ngasjes nga kantoni Glarus, shkruan tagesanzeiger.ch.

Afërisht 74 % e tyre e kanë kaluar provimin me të parën. Në Cyrih kanë kaluar vetëm 60% pra nën mesataren e Zvicrës. Më të këqij se këta të Cyrihut kanë qenë ngasësit potencialë të kantonit Vaud. Atje provimin e kalojnë vetëm 52% e kandidatëve.