Zvicra hamburgerët më të shtrenjtë në botë

Çdo gjashtë muaj "Economist" publikon indeksin e çmimeve për hamburgerët “Big Mac” të McDonald’s

Të dhënat e fundit të revistës britanike “Economist” tregojnë se hamburgerët më të shtrenjtë në botë shiten në Zvicër.

“Big Mac” kushton në McDonald’s 6.50 franga, që është e barabartë me rreth 7 dollarë. Në Indi, vendi i hamburgerëve të lirë, kushton vetëm 1.62 dollarë.

Në këtë studim krahasohet të ushqyerit me Big-Mac dhe niveli i pagave në botë.

Punëtorët në restorantet e ushqimit të shpejtë “fast-food” në Indi dhe në Amerikën Latine duhet të punojnë gati tre orë për të paguar një Big- Mac.

Ndërsa në Zvicër të punësuarit e McDonald’s brenda një ore fitojnë 2 hamburgerë.

McDonald’s-et e Zvicrës punësojnë punëtorë të pakualifikuar që fitojnë për 42-orë në javë çdo muaj nga 3400 deri 4000 franga. Mesatarisht, ata mund të blejnë çdo 20 minuta nga një hamburger – më shumë se kushdo tjetër në botë.