Ushtria ua kërkon librezat 27.000 ish ushtarëve

Kjo bëhet për të siguruar informatat se ku ndodhen armët ushtarake të këtyre personave

Ushtria e Zvicrës ka kërkuar nga 27000 ish ushtarë të saj që t`i dërgojnë në bazë librezat e tyre ushtarake.

Ndryshe nga sa ishte njoftuar më herët, baza e të dhënave të ish shërbyesve ushtarakë nuk është zhdukur, por këto të dhëna duhen koordinuar. Kështu ka deklaruar zëdhënësi i ushtrisë, Christoph Brunner në radion e Zvicrës Pèerëndimore (në gjuhën frënge) “RTS”.

Në këtë kontekst nevojiten edhe informatat se ku ndodhen armët ushtarake të këtyre personave. Por, sipas zëdhënësit, vendndodhja e armëve nuk është e panjohur për ushtrinë.

Deputeti nacional i FDP-PLR nga Gjeneva, Hugues Hiltpold në po këtë radio ka thënë se është e patolerueshme që ushtria të mos dijë vendin ku gjenden armët e saj. Sipas tij, një gjendje e tillë mund të quhet dramatike.