Vikend tragjik: 9 të vdekur në aksidente të ndryshme

Gjatë dy ditëve të pushimit të festave, kanë humbur jetën së paku 9 veta, në aksidentet ajrore e tokësore

Gjatë tri ditëve të pushimit të festave, kanë humbur jetën së paku 9 veta, në aksidentet që kanë ndodhur në ajr, në male dhe në rrugë.

Dy zviceranë kanë vdekur si pasojë e rrëzimit të aeroplanit sportiv në landin gjerman Mecklenburg-Vorpommern.

Në kantonin e Cyrihut ka gjetur vdekjen një pilot që po drejtonte një aeroplan pa motor.

Në Nidwalden, nga ngatërrimi i një paraglideri për dy veta me një kabëll transporti, vdiq në vend të ngjarjes piloti ndërsa shoqëruesi i tij 22 vjeçar pësoi lëndime të rënda.

Në Tirolin Jugor gjashtë alpinistë nga Zvicra, Gjermania dhe Lihtenshtajni janë befasuar nga një çarje akulli dhe dy prej tyre kanë pësuar lëndime të rënda.

Ndërkaq pesë persona kanë humbur jetën si pasojë e aksidenteve në rrugë. Tre prej tyre ishin ngasës të motorëve.