Migrosi do të shënojë produktet e kolonive

Produktet me shënim: "Cisjordani, zonë e popullzuar nga izraelitët"

 “Migros shfaqet në mënyrë të qartë antisionist. Kjo është skandaloze”, thotë i zemëruar dukshëm Petër Weiss, kryetar i degës së Shoqatës Zvicër-Izrael në Gjenevë.

Thelbi i këtij zemërimi ishte njoftimi i Migrosit, i cili të martën bëri të ditur se që nga viti 2013 do të deklarojë origjinën e produkteve nga territoret palestineze të pushtuara nga Izraeli.

Ndryshe, do të ketë etiketa me shënim “Cisjordani, zonë e popullzuar nga izraelitët” mbi frytet dhe perimet e prodhuara në “kolonitë e paligjshme sipas ligjit ndërkombëtar”, shpjegon gjiganti Migros. “Ne duam të sigurojmë një transparencë me një njoftim të qartë të produkteve,” theksoi Monika Weibel, zëdhënëse për Migros.

Kush thotë se kjo masë nuk fsheh ndonjë qëndrim politik? “Migros është neutral. Ne vetëm duam t’u mundësojmë klientëve tanë të zgjedhin nëse duan të blejnë këto produkte apo jo”.

Nga pala palestineze ky vendim është mirëpritur dhe shihet si një hap i parë. Mary Honderich, anëtare e BDS zvicerane, tha: “Ne duhet të shkojmë më tej dhe të bojkotojmë këto produkte, derisa Izraeli nuk do t’u njohë të drejtat palestinezeve”. Kurse Robert Equey, nënkryetar i Dhomës së Tregtisë Zvicër-Izrael, denoncoi një vendim të tillë, të cilin e vlerëson “hipokrit”. “Nëse Migros fillon të bëjë politikë, atëherë ai duhet të aplikojë një vendim të tillë për të gjitha vendet. Përse nuk ka etiketë të kuqe mbi mallrat kineze”.