Marsh protestues në Bernë

Protestuesit kanë kundërshtuar kufizimet e shumta shtetërore që sipas organizatorëve, i bëhen jetës së natës

Me mijëra njerëz kanë marrë pjesë në një marsh proteste të mbajtur dje qytetin e vjetër të Bernës. Ky aktivitet, me moton “Vallëzo i lirë” është mbajtur për të kundërshtuar kufizimet e shumta shtetërore që sipas organizatorëve, i bëhen jetës së natës.

Kjo protestë ndërkaq nuk ka marrë lejen e policisë. Kështu, policia gjatë mbajtjes së saj është kufizuar vetëm në rregullimin e komunikacionit dhe në një prezencë të uniformuar në brendi të qytetit.

Organizatorët e protestës janë zyrtarisht të panjohur. Ftesës së bërë përmes facebookut i janë përgjigjur kryesisht firma të gastronomisë, të klubeve të natës dhe partitë e majta.