Radio Kombëtare Zvicerane promovon albumin e Elina Dunit

Këngëtarja dhe kompozitorja e njohur shqiptare, Elina Duni, po rikthehet me një album të ri muzikor.

Albumi i saj i ri solo titullohet “Partir”. Radio Kombëtare Zvicerane, ka përgatitur një event të veçantë transmetimi për promovimin e këngëtares me rastin e lansimit të këngëve të saj më të reja, raporton “atsh”.

Për këtë projekt ri të muzikantes shqiptare është kujdesur gazetari i njohur zviceran, Arnaud Robertin, për të cilin vet Elina Duni ka shprehur mirënjohje, përcjell albinfo.ch.

Albumi “Partir”, ka këngë në gjuhën shqipe, melodi të cilat janë dhe duke u transmetuar në Radion Kombëtare të Zvicrës.

“Partir” do të dalë në treg nga 13 prilli në Zvicër, ndërsa në pjesën tjetër të Evropës dhe SHBA-së, mund ta gjeni atë nga 27 prilli.