Arrestohet kosovari, dyshohet për therje të portugezit

Viktima, duke tentuar të ndërmjetësonte në një konflikt, ishte therur me thikë nga një person, që sipas tij ishte shqiptar

Policia kriminale e Bazelit ka arrestuar të mërkurën një kosovar për të cilin dyshohet të ketë qenë pjesëmarës në “natën e dhunshme të Bazelit”, gjegjësisht dhunës së ushtruar në vikendin e kaluar, më 23 shtator në këtë qytet, kur është plagosur një portugez 31 vjeç.

Ky i fundit kishte tentuar të ndërmjetësonte në një mosmarrëveshje mes dy të huajve dhe shoqëruesve të tij. Për pasojë, ai ishte sulmuar dhe therur me thikë nga një person i cili pastaj ka ikur. Sipas deklaratave të viktimës, sulmuesi ishte shqiptar.

Shqiptari i arrestuar është 23 vjeç ndërsa motivi i sulmit të tij është duke u hetuar nga organet përgjegjëse. Ai i është dorëzuar gjykatës për masa detyruese.