Shtyrja e negociatave përplas pozitën e opozitën në Kuvend

Kryetari i Partisë Demokratike, Lulzim Basha kërkoi që në Kuvend të jetë edhe kryeministri Edi Rama për të diskutuar për shtyrjen e negociatave. Basha u shpreh se Rama është përgjegjësi kryesor për shtyrjen e vendimmarrjes për negociatat dhe ai nuk mund t’i bëjë bisht debatit.

“Është marrë një vendim për shtyrjen e vendimmarrjes për negociatat dhe pengesa kryesore për këtë duhet të jetë këtu, Edi Rama. Në qoftë se zotëria po fshihet apo nuk e mbajnë leqet të vijë këtu, ndërprite seancën. Nuk mundet ai t’i bëjë bisht këtij debati”, theksoi ai, përcjell albinfo.ch.

Por ka reaguar Shefi i GP-së së Partisë Socialiste, Taulant Balla, duke thënë se debati me kohë të përcaktuar nuk përfshin asnjë lloj detyrimi për të qenë kryeministri në sallë. “Gjynah që të ka Shqipëria kryetar opozite”, i ka thënë Balla kryetarit të PD-së.