Gjuajnë me armë mbi kalimtarët e rastit

Dy të rinj, 16 dhe 18 vjeç, duke ngarë automjetin në qendrën e lokalitetit Siders (Valis) kanë qëlluar me pushkët e tyre ajrore (Soft air Gun) mbi kalimtarët e rastit, pa pasur ndonjë motiv për këtë.

Me këtë rast kanë pësuar plagë një numër personash, disa prej të cilëve në fytyrë. Siç bën të ditur policia e Valisit, kjo ka ndpdhur në mbrëmjen e të mërkurës.

Dy delinkuentët janë kapur pas pak nga policia dhe, pasi janë marrë në pyetje, kanë pranuar se viktimat e tyre kanë qenë të rastit.

Në kuadër të hetimeve të bëra në vazhdim, policia ka konstatuar se po këta dy të rinj gjatë javës së kaluar kishin shtënë me pushkët e tyre ajrore në disa automjete, në shenja komunikacioni dhe në stacione autobusi.