E harron veturën superluksoze në parking!

Ka një muaj që e pret pronarin vetura superluksoze "Trevita" në një parking të Cyrihit

Mbi një mijë kuaj fuqi, motor me tetë cilindra, prej 0 -100 në 2.9 sekonda, shpejtësi maksimale 410 km në orë. 

Bëhet fjalë për “Trevita Koenigsegg” , një veturë superlukzose, e shtrenjtë 1.7 milion frangash. Në tërë botën mund t’i gjeni vetëm tri automjete të njëjta.

Njëra prej tyre po pret gati një muaj pronarin e saj në një parking në qendër të Cyrihut. Edhe gjatë ditë së djeshme ka ra në sy kjo veturë superluksoze nga kalimtarët e rastit. Kostoja e parkingut mund të ketë arritur vlerën mbi 1 mijë franga.

20min thotë se pronari është një i pasur në Kantonin Schwyz, i cili drejton një kompani të përmasave botërore. Treviten e tij e ka blerë në një sallon veturash Baden-Württemberg. Ndërsa nuk dihen arsyet se pse ka mbetur vetura në këtë parking.