Credit Suisse shkurton 300 vende pune

Banka Credit Suisse ka në Zvicër rreth dy të pestat nga gjithsej 48000 të punësuar që ka në gjithë botën

Pak ditë pasi që banka më e madhe e Zvicrës UBS ksihte paralajmëruar shkurtimin e mijëra vendeve të punës, edhe Credit Suisse, banka e dytë për nga madhësia ka shpallur pushimin nga puna të 300 punëtorëve të saj. Siç bën të ditur CS, nga kjo masë do të goditen në radhë të parë menaxherët, kuadrot dhe specialistët.

Vendet e punës të punëtorëve në fjalë do të shuhen për shkak se do të fuzionohen shërbimet për përkujdesjen e klientëve “të vegjël” me ato të administrimit të pasurisë së personave të pasur.

Banka Credit Suisse ka në Zvicër rreth dy të pestat nga gjithsej 48000 të punësuar që ka në gjithë botën. Ndërsa Zvicra është i vetmi treg i kësaj banke ku ajo udhëheq edhe shërbimin e klientëve të vegjël.