E djathta e bashkuar, për shtrëngimin e të drejtës për azil

Ndërsa e majta po mbledh nënshkrimet për betejën e referendumit, partitë e krahut të djathtë bëjnë presion për të përshpejtuar zbatimin e shtrëngimit për azil. Problemet për strehim janë larg zgjidhjes dhe vendet për paraburgim vazhdojnë të mungojnë.

Përfaqësuesit e PLR-së, PDC-së, PBD-së, PVL-së dhe UDC-së i kanë rënë me grusht tryezës të martën gjatë një konference shtypi në Bernë. Parlamenti ka bërë punën e tij të legjislacionit, Konfederata dhe kantonet tani duhet të sigurojnë zbatimin e masave të vendosura, paralajmëroi presidenti i Partisë Liberale-radikale, Philipp Müller (AG).

Mungesa e vendeve

Kantonet po përballen me çështjet e performancës, siguroi kryetari i Konferencës së Drejtësisë dhe Policisë kantonale (CCDJP), Hans-Jürg Kaser. “Ushtria është dashur të sigurojë 2000 vende për akomodim. Në fakt, ajo ka arritur të ofrojë vetëm 500 vende”, tha këshilltari shtetëror i Bernës.

Ndërtesat si vende të propozuara shpeshherë nuk janë mirë të mirëmbajtura ose gjenden në bjeshkë shumë larg qyteteve. Kjo ngre çështjen e efektivitetit të Departamentit të Mbrojtjes, shtoi kryetari i PDC-së, Christophe Darbellay.

Situata është dramatike edhe në frontin e vendeve të paraburgimit. Për shembull, Gjeneva ka 21 vende për 362 vendime të paraburgimit të shqiptuara këtë vit. Neuchâtel-i ofron dy vende për 49 fletarrestime, kurse Berna ka 36 vende për 902 fletarrestime.