Qeveria: 4.7 miliardë franga për ushtrinë

Ndërsa parlamenti, në vitin 2011 në një vendim të tij kishte përcaktuar shumën 5 miliardë franga si plafon

Buxheti që do të marrë ushtria e Zvicrës nga federata prej vitit 2015 do të jetë, në kufirin më të lartë, 4.7 miliardë franga dhe jo 5 miliardë siç dëshiron parlamenti.

Ky është qëndrimi i prerë i Këshillit Federal. Me këtë shumë parash, ushtria mund ta kryejë plotësisht funksionin e saj të përcaktuar me kushtetutë. Kështu i është përgjigjur qeveria një kërkese të komisionit për siguri, të Parlamentit Nacional.

Parlamenti, në vitin 2011 në një vendim të tij kishte përcaktuar shumën 5 miliardë franga si plafon për shpenzimet e ushtrisë.