Gjykohet kosovari për vrasjen e bashkëshortes

Ai akuzohet se ka realizuar në mënyrë të përkryer vrasjen e saj dhe ka vepruar nga egoizmi i theksuar.

Prokuroria publike në Brug të kantonit Aargau ka ngritur padi ndaj një kosovari 45 vjeçar për vrasjen e të shoqes 35 vjeçare si dhe për veprat tjera penale si rrezikim jete dhe shkelje të ligjit mbi armëmbajtjen.

 
Ai akuzohet se ka realizuar në mënyrë të përkryer vrasjen e saj dhe ka vepruar nga egoizmi i theksuar.

 
Kosovari e kishte vrarë bashkëshorten në vitin 2009 në një stacion autobusi në Riniken duke e qëlluar me një sërë të shtënash. Motivi i vrasjes mbetet i paqartë ndërsa i akuzuari nga të gjitha veprat që e ngarkojnë ka pranuar vetëm vrasjen.

 
në kuadrin e hulumtimeve janë realizuar deri më tash 53 marrje në pyetje dhe janë bërë tetë ekspertiza eksterne.