Po bëhen përgatitjet e fundit për “Air Albania”

Kryeministri i Shqipërisë, Edi Rama i ka konsideruar momente mbresëlënëse përgatitjet e fundit të “AIR ALBANIA”, kompanisë kombëtare të fluturimit në Shqipëri, përpara nisjes së fluturimeve.

Ai në një postim në Facebook ka publikuar një video, ku shihen duke u kryer punimet që janë në fazën e fundit. “MIRËMËNGJES dhe me këtë moment mbresëlënës të përgatitjeve të fundit të AIR ALBANIA, ju uroj një ditë të bukur”, ka shkruar ai, përcjell albinfo.ch.

Rama ka theksuar se kompania e parë e fluturimit “AIR ALBANIA” tashmë është një realitet dhe një premtim i mbajtur i qeverisë së tij.  “Kompania e parë ajrore shqiptare “AIR ALBANIA” po programohet me asistencën teknike të kolosit ajror turk “Turkish Airlines”, për plotësimin e të gjitha standardeve të sigurisë dhe do të fillojë shumë shpejt fluturimin drejt destinacioneve të ndryshme”, ka shtuar Rama.

https://www.facebook.com/edirama.al/videos/468407003642907/