PD publikon videon, thotë se policia gënjeu

Partia Demokratike e Shqipërisë pretendon se djegia e automjetit të nënkryetarit të bashkisë së Mallakastërit ditë më parë nuk ka qenë aksidentale ashtu qysh pati njoftuar policia.

Deputeti Enkelejd Alibeaj tha se ky rast është një krim i rëndë që po mundohet të mbahet i fshehur nga policia e Shtetit.

Partia Demokratike publikon edhe videon kur dy persona i vendosin flakën makinës, përcjell albinfo.ch.

Alibeaj shkruan se shefi i krimeve në Komisariatin e Policisë Mallakastër i ka kërkuar zv.kryetarit të Bashkisë Serjanaj ta mbyllin këtë çështje, duke e quajtur aksident, me shpjegimin se kështu do të ishte më mirë për të dy palët.

“Policia e Ramës dhe Xhafes është faktuar edhe në këtë rast se është në shërbim të krimit, jo të qytetarit të ndershëm!”, ka shkruar ai.