6 futbollistë nga Zvicra ftohen te Kosova U-21

Gjithnjë e më shumë futbollistë nga Zvicra po luajnë për Kosovën

Përzgjedhësi i Kosovës U21, Rafet Prekazi, ka publikuar emëroren e futbollistëve që do t’i ketë në dispozicion për ndeshjen e radhës kundër Irlandës në kuadër të kualifikimeve për Evropianin 2019.

Ndeshja zhvillohet të premten më 7 shtator, në orën 19:00, në stadiumin “Adem Jashari” në Mitrovicë, derisa grumbullimi i futbollistëve bëhet të hënën më 3 shtator, njofton faqja e Federatës së Futbollit të Kosovës, përcjell albinfo.ch.

Në këtë listë janë të ftuar gjashtë futbollistë që luajnë në Zvicër, derisa disa tjerë luajnë në Gjermani, në ligat evropiane, por edhe në Superligën e Kosovës në futboll.

Futbollistët që luajnë në Zvicër janë: Fuad Rrahimi në Will, Arian Kabashi në Sion, Dren Feka dhe Dardan Karimani në Luzern, Dilan Qela në Xamax dhe Edmond Ramadani në Aarau.

---