Celina po shkëlqen me Swansean

Futbollisti shqiptar është në top formë për klubin që garon në Championship

Besant Celina po shkëlqen në këtë sezon me Swansean pas largimit nga Manchester City.

Ai tashmë është një figurë kyçe në planet e trajnerit Graham Potter, pasi cilësitë e futbollistit shqiptar janë të jashtëzakonshme.

Mesfushori kreativ ka shënuar dy herë në katër ndeshjet e fundit. 22-vjeçari po vjen gjithnjë e duke u përmirësuar, duke rritur kontributin e tij në ekip, shkruan faqja zyrtare e Swanseas, përcjell albinfo.ch.

“Jam i kënaqur me mënyrën se si po luaj. Po kënaqem duke luajtur këtu”, është shprehur Celina.

“Duhet vetëm të shënoj më shumë gola dhe duhet të përmirësohem në këtë aspekt. Jam lidhur me shokët e ekipit tim dhe po e bën atë çfarë po thotë menaxheri im. Fillimi nuk ishte i lehtë, megjithatë, tani jam adaptuar. Duhet të kontribuoj më shumë për skuadrën”, deklaroi Celina.

---