Historike: Kosova e para dhe shkon në Ligën C

Keystone EPA/VALDRIN XHEMAJ

Kosova ka shënuar fitore të merituar ndaj Azerbajxhanit.
Në anën tjetër, Kosova kryeson në listën e ekipeve të Ligës D dhe tashmë kalon në Grupin C.
Që nga minuta e dytë, Kosova ka qenë në avantazh ndaj Azerbajxhanit, me golin e dhënë nga Arbër Zeneli, i cili ishte asistim nga Kololli, shkruan albinfo.ch.
Pjesa e parë e ndeshjes mbaroi me rezultatin 1:0, për Kosovën. Në fillim të pjesës së dytë, Kosova prap shënoi gol.
Ishte sërish, Arbër Zeneli i cili nga një pasim nga Muriqi shënoi gol në minutën e 50.
Por nuk kishte mbaruar ende. Kosova shënoi edhe golin e tretë. Rrahmani me një pasim nga Kololli shënoi gol në minutën e 61’.

Goli katërt bëri që Arbër Zeneli të shënoj “hatrick”.

Kosova në 6 ndeshje në ligën D, nuk ka pësuar asnjë humbje. Kosova dhe Azerbajxhani zhvilluan ndeshjen në kuadër të Ligës së Kombeve.