Shkarkohet kreu i Gjykatës Kushtetuese në Shqipëri

Kreu i Gjykatës Kushtetuese në Shqipëri, Bashkim Dedja, është shkarkuar nga detyra.

Trupi gjykues i Kolegjit të Posaçëm të Apelimit (KPA) arriti në konkluzionin se Dedja nuk arrin nivel të besueshëm të pasurive.

Vlerësohet se ka pasaktësi mes deklaratës për Vetting-un dhe asaj vjetore, si dhe nuk ka shpjeguar të ardhurat, përcjell albinfo.ch.

Rezulton se persona të tjerë të lidhur me të nuk justifikojnë të ardhurat dhe për këtë arsye as subjekti nuk ka shpjeguar të ardhurat e pasurisë apartament.

Një apartament me sipërfaqe 98 metra katrorë në Tiranë, i blerë në vitin 1997 për gati 20 mijë dollarë dhe një apartament i dytë me sipërfaqe 146 metra katrorë me vlerë 168 mijë euro, blerë në vitin 2013, ishin shkaqet kryesore të ankimimit të firmosur nga Komisioneri Publik, Darjel Sina.