Schmeichel komenton barazimin me Kosovën dhe sfidën me Zvicrën

Portieri i Danimarkës, Kasper Schmeichel, ka thënë se barazimi me Kosovën ishte real.

“Ishte një lojë e vështirë për ne, por ishte një kohë e gjatë që nuk patëm luajtur së bashku. Kosova luajti shumë mirë, barazimi është rezultat real i ndeshjes”, ka thënë ai.

Ai ka folur edhe për ndeshjen me Zvicrën, në kuadër të kualifikimeve për Euro 2020, përcjell albinfo.ch.

“Ishim të fokusuar në ndeshjen ndaj Kosovës, nesër do ta analizojmë këtë lojë dhe të shohim gabimet. Do të provojmë që të bëjmë më të mirën kundër Zvicrës”, ka thënë ai.

Edhe trajneri i Danimarkës, Age Hareide, ka vlerësuar lart Zvicrën, duke u shprehur se kanë një ekip shumë të mirë, përkundër se nuk do të jetë Xherdan Shaqiri, për shkak të lëndimit.