Ermir Lenjani në histori të futbollit zviceran

Futbollisti shqiptar ka shënuar pas vetëm dhjetë sekondash lojë. Ai ishte shumë i kënaqur me këtë fakt

Ermir Lenjani është në top formë për skuadrën e Sionit në Zvicër. Ai të enjten shënoi dy gola ndaj Thunit, derisa të dielën një në barazimin 2:2 kundër Luzernit, shkruan albinfo.ch.

Por, goli i tij ishte shumë i veçantë. Futbollisti i Kombëtares shqiptare shënoi pas vetëm dhjetë sekondave.

“Shumë i lumtur që jam futur në histori të futbollit zviceran për golin më të shpejt të shënuar. Falënderimi i takon Zotit”, shkruan Lenjani në rrjetet sociale.

Il ne fallait pas arriver en retard à Tourbillon! Le FC Sion a ouvert le score contre Lucerne après 11 secondes de jeu seulement, grâce à son homme en forme du moment Ermir Lenjani, lors de la 28e journée de RSL. pic.twitter.com/ObEUlQYmjE

— Teleclub Sports Romandie (@TeleclubSports) April 7, 2019

Disa media zvicerane e kanë paraqitur se ky ishte goli më i shpejtë në histori të Superligës zvicerane.

Sipas “Teleclub”, ai realizoi në sekondën e dhjetë. Lenjani barazoi rekordin e senegalezit Moussa Konate, i cili kishte shënuar ndaj St. Gallenit më 2015.

Lenjani po shkëlqen në këtë edicion në Superligën zvicerane me gjashtë gola dhe gjashtë asistime.

---