Një në katër gra në Zvicër, mund të jetojë deri në 100 vjet

Foto ilustrim

Një djalë ose vajzë zvicerane që ka lindur në vitin 2017, mund të jetojë mirë deri në moshën 81.4 dhe 85.4 vjet.

Ndërkaq, një në katër gra nga ky brez mund ta arrijë moshën 100-vjeçare, sipas statistikave më të reja të jetëgjatësisë, shkruan swissinfo, përcjell në shqip albinfo.ch.

Në aspektin e jetëgjatësisë, djemtë dallojnë nga vajzat në Zvicër. Djemtë zviceranë të lindur në vitin 1997 karakterizohen me një jetëgjatësi të moshës mesatare deri në 79.4 vjet, kurse vajzat 84.2, pra një diferencë prej 4.8 vjetësh. Për gjeneratat e lindura në vitin 2017, ky ‘hendek’ i moshës pritet të zvogëlohet në 4 vjet.

Për fëmijët e lindur në vitin 1917, vetëm 0.4 për qind e djemve dhe 1.7 për qind e vajzave arritën moshën 100. Kjo përqindje u rrit në 4 për djemtë dhe 11 për vajzat në vitin 1967.

E për gjeneratat e vitit 2017 është paraparë që 15 për qind e djemve dhe 26 për qind e vajzave mund të arrijnë ditëlindjen e 100-të.

Rritja e vazhdueshme e jetëgjatësisë gjatë shekullit të kaluar është për shkak të rënies së vdekshmërisë së foshnjave dhe rënies së numrit të vdekjeve nga sëmundjet infektive te të gjitha moshat, ka njoftuar zyra e statistikave.