Votimi i Zvicrës tani transmetohet në internet

Të dielën, banorët e kantonit zviceran të Appenzell Inner Horden do të zgjedhin senatorin e tyre nëpërmjet një votimi të drejtpërdrejtë  tradiconal të njohur si “Landsgemeinde”.

Për herë të parë, zgjedhjet do të transmetohen drejtpërdrejt në internet.

Duke votuar për përfaqësuesin e tyre në Dhomën e Kantoneve të parlamentit të Zvicrës, kantoni Appenzell Inner Hoden do të fillojë zgjedhjet federale 2019. Megjithatë, ata do ta bëjnë atë në stilin e tyre unik.
Landsgemeinde është një nga format më të vjetra dhe më të thjeshta të demokracisë direkte në Zvicër.

Të gjithë votuesit e regjistruar janë të ftuar një herë në vit për t’u mbledhur nën qiell të hapur për të zgjedhur qeverinë me një ngritje duarsh.

Glarus është i vetmi kanton tjetër zviceran i cili ende ndjek praktikën, por votimi kufizohet vetëm në ndryshimet në kushtetutë dhe në ligje ose në vendosjen e niveleve tatimore.

Flirtimi i Appenzell Inner Hoden me një transmetim të drejtpërdrejtë të internetit të Landsgemeinde është një projekt pilot. Ideja është që të lejohen qytetarët të cilët nuk mund të marrin pjesë në asamble për të ndjekur procedurat drejtpërdrejt nëpërmjet lidhjes së jashtme të kantonit.

Popullsia e vogël e pak më shumë se 12,000 banorëve (e barabartë me atë të vitit 1850) e mban traditën Landsgemeinde të bëhet krejtësisht jopraktike për të zbatuar, shkruan Swissinfo, përcjell Albinfo.ch.

Qeveria kantonale ka vendosur gjithashtu të vazhdojë një eksperiment pilot të prezantuar vitin e kaluar: përkthimi i njëkohshëm në gjuhën e shenjave. Marrja e këtij shërbimi ishte zhgënjyese dhe zyrtarët shpresojnë se do të përdoret më shumë këtë herë.

Përveç votimit për çështje të ndryshme, Asambleja e Qytetarëve do të zgjedhë dy anëtarë të qeverisë kantonale dhe një senator të ri në shtëpinë e epërme të parlamentit. Pjesa tjetër e vendit duhet të presë deri në 20 tetor për të marrë pjesë në zgjedhjet federale.