Opozita në Shqipëri nesër bllokon të gjitha rrugët

Kreu i Partisë Demokratike të Shqipërisë, Lulzim Basha, pas përfundimit të takimit me kryetaren e LSI-së, Monika Kryemadhi, ka thënë se opozita do të përshkallëzojë aksionet e saj, transmeton albinfo.ch. Ai paralajmëroi se të enjten në mbrëmje do të bllokohet të gjitha akset kryesore në vend.

“Jemi në një krizë të thellë, në një krizë politike, kushtetuese, ekonomike dhe sociale dhe, siç u bë e qartë që edhe 24 orët e fundit vendi ndodhet në një krizë totale të procesit më jetik për Shqipërinë, atë të integrimit të vendit në BE. Shkak për këtë është krimi elektoral”, ka thënë ai.

Basha ka theksuar se largimi i Edi Ramës është kusht i panegociueshëm, që do të çojë në krijimin e qeverinë transitore  për realizimin e zgjedhjeve.