Rriten ndjeshëm eksportet shqiptare me Kosovën, Spanjën e Gjermaninë

Sipas të dhënave të INSTAT, prilli i këtij viti ka qenë ndër muajt më të mirë për eksportin e mallrave të Shqipërisë.

Sipas të dhënave, gjatë këtij muaji Shqipëria ka pasur rritje më të madhe të eksporteve, në krahasim me të njëjtën periudhë të vitit 2018, ku eksporti për në Kosovë është rritur me rreth 70,4%, kjo falë edhe taksës për mallrat serbe, por ka pasur rritje edhe për në Spanjë me 8,7% dhe Gjermani me 7,3%, transmeton albinfo.ch.

Sipas të dhënave të INSTAT, vendet me të cilat eksportet kanë shënuar rënie të lehtë gjatë muajit prill të këtij viti janë: Italia, SHBA-ja dhe Zvicra.