Albright: Asgjë nuk më bën më të lumtur sesa që jam pjesë e Kosovës

Ish-Sekretarja e Shtetit të Amerikës, Madaleine Albright, ka thënë se ndjehet e nderuar pasi iu nda çmimi “Urdhri i Lirisë” nga Presidenti i Kosovës, Hashim Thaçi.

“Më duhet të them se jam e nderuar dhe asgjë nuk më bën më të lumtur sesa që jam pjesë e Kosovës. Kurrë s’do ta harroj ardhjen në Prishtinë menjëherë pas luftës ku shiheshin turma njerëzit dhe slogane “Faleminderit Amerikë”, është shprehur Albright.

“Mendoj se SHBA bëri gjënë e duhur që të ndihmojë njerëzit e Kosovës që ta fitojnë lirinë. Jam e lumtur që jam këtu. Kosova është shtet i pavarur dhe duhet të njihet si i tillë. Jam e lumtur që njihem si sikush që ka kontribuuar për këtë”, përcjell albinfo.ch.